info
კეთილი იყოს თქვენი ვიზიტი ბათუმის სახელმწიფო საზღვაო აკადემიის ოფიციალურ ვებ-გვერზე.


ბათუმის სახელმწიფო საზღვაო აკადემია
ორშსამოთხხუთპარშაბკვ
      1
2345678
9101112131415
16171819202122
23242526272829
30      

აკადემიის მისია, ხედვა, ღირებულებები

ხედვა

ჩვენ ვესწრაფვით გადავაქციოთ ბათუმის სახელმწიფო საზღვაო აკადემია შავი და კასპიის ზღვის რეგიონის წამყვან საგანმანათლებლო ცენტრად საზღვაო ინდუსტრიისა და  მომიჯნავე სფეროებში[1].

ჩვენი დევიზია: ღირსება, ცოდნა, გამოცდილება (Honor, Disciplina, Experientia)

მისია

საზღვაო აკადემიის მისიაა:

  • ხელი შეუწყოს საქართველოს ეკონომიკის საზღვაო სექტორის ინტეგრაციას ევროპულ ეკონომიკურ სივრცეში და საქართველოს მოწინავე საზღვაო ქვეყნად ჩამოყალიბებას;
  • შეინარჩუნოს და განავითაროს საზღვაო ინდუსტრიასა და მომიჯნავე სფეროებში მაღალკვალიფიციური პერსონალის მომზადების ევროპულ და საერთაშორისო სტანდარტებზე დაფუძნებული უმაღლესი, პროფესიული და უწყვეტი განათლების განმახორციელებელი საგანმანათლებლო ცენტრის სტატუსი;
  • განახორციელოს საზღვაო და მომიჯნავე სფეროს სპეციალისტების მომზადება დარგის პრაქტიკულ ცოდნასა და სწავლების  თანამედროვე, ინოვაციურ მიღწევებსა და მეთოდებზე დაფუძნებული საგანმანათლებლო და საწვრთნელი პროგრამების მეშვეობით;
  • მოამზადოს თანამედროვე მოთხოვნების შესატყვისი კომპეტენციის მქონე  პასუხისმგებლიანი ლიდერები, რომელთაც ექნებათ პროფესიული პრობლემების იდენტიფიცირებისა და გადაჭრის, გუნდში მუშაობის, პიროვნული პოტენციალის რეალიზებისა და კომუნიკაციის უნარები,  მაღალი ეთიკური ნორმები, რაც უზრუნველყოფს მათ კონკურენტუნარიანობასა და კარიერულ წარმატებას დასაქმების ადგილობრივ და საერთაშორისო ბაზარზე;
  • იხელმძღვანელოს დემოკრატიისა და ჰუმანიზმის, გამჭვირვალობისა და ხელმისაწვდომობის, ტოლერანტობისა და თანასწორობის პრინციპებით და უზრუნველყოს სწავლის, სწავლებისა და კვლევის აკადემიური თავისუფლება, განათლებისა და დასაქმების სფეროში წარმატების მისაღწევად ითანამშრომლოს სტუდენტებთან, პერსონალთან, კურსდამთავრებულებთან, დამსაქმებლებთან, საგანმანათლებლო და კვლევით დაწესებულებებთან, საზოგადოების სხვა დაინტერესებულ პირებთან;
  • გააძლიეროს და განაახლოს საერთაშორისო კომუნიკაცია და პარტნიორული თანამშრომლობა, განავითაროს საგანმანათლებლო საქნიანობის ინტერნაციონალიზაცია;
  • შეასრულოს საზღვაო და მომიჯნავე სფეროში კვლევების განმახორციელებლისა და ცოდნის საზოგადოებაში გამავრცელებლის ფუნქცია.

 

ღირებულებები და პასუხისმგებლობა

  1. ვაცნობიერებთ, რომ ჩვენზე დაკისრებულია სწავლების, კვლევის და ახალი ცოდნის შექმნის განმახორციელებლების როლი საზღვაო განათლების სფეროში;
  2. ვაცნობიერებთ, რომ ვალდებულნი ვართ ხელი შევუწყოთ ცოდნისა და პროფესიული პრინციპების გავრცელებას საზოგადოებაში;
  3. ვაცნობიერებთ, რომ საგანმანათლებლო პროცესი და საგანმანათლებლო პროგრამები უნდა იყოს ორიენტირებული:
  • სტუდენტის ინტერესებზე;
  • ცოდნაზე, უნარების განვითარებასა და პროფესიონალიზმზე;
  • სწავლის შესაძლებლობაზე ცხოვრების ნებისმიერ ეტაპზე;
  • ეთიკისა და მოქალაქეობის განცდის განვითარებაზე;
  • ინოვაციებზე და ხარისხის მუდმივ გაუმჯობესებაზე;
  • საზოგადოების წევრების პატივისცემასა და ტოლერანტობაზე;
  • გარემომცველი სამყაროს დაცვაზე.
  1. გვაქვს ინტელექტუალური ზრდის რწმენა;
  2. გვჯერა ისეთი აზროვნების დამკვიდრებისა, რომელიც გულისხმობს თავისუფლად შეკითხვის დასმას, სხვისი თვალსაზრისის პატივისცემას, დასაბუთებული კვლევითი ხასიათის შეკითხვების ფორმულირებას;
  3. გვჯერა, ისეთი აზროვნების დამკვიდრებისა, რომელიც გულისხმობს  კოლეგიური დიალოგისა და დებატების შესაძლებლობას სტუდენტების, პერსონალისა და მასწავლებლების საზოგადოებაში, რის შედეგადაც შესაძლებელია, ყველასათვის მისაღები კოლექტიური გადაწყვეტილებების მიღება;
  4. გვჯერა, რომ წარმატების მიღწევა შესაძლებელია მხოლოდ ურთიერთსასარგებლო თანამშრომლობით აკადემიის მთელ პერსონალთან, სტუდენტებთან, კურსდამთავრებულებთან, დამსაქმებელ ორგანიზაციებთან, პარტნიორ საგანმანათლებლო დაწესებულებებთან, დაინტერესებულ საზოგადოებასთან;
  5. გვჯერა, რომ სწავლებასა და კვლევას აქვს ურთიერთშემავსებელი მნიშვნელობა.
 

 


« უკან